कोरोनाचे थैमान संपूर्ण जगात सुरुच असून या संकटाच्या काळात आरोग्य सेवा देणाऱ्या डॉक्टर, नर्सेस आणि इतर कर्मचाऱ्यांचं योगदान असामान्य आहे. आपल्या जीव धोक्यात घालून मेडिकल स्टॉफ दिवस-रात्र यासाठी काम करत आहे. त्यांच्या या सेवेला गुगलने डूडलच्या माध्यमातून अनोखा सलाम केला आहे.
यांच्या सन्मानासाठी गुगल डूडलच्या काही सीरीज लॉन्च करत आहेत. या माध्यमातून गुगल करोनाव्हायरस हेल्पर्सला सलाम करणार आहेत. यामध्ये डॉक्टर, वैज्ञानिक, शिक्षक, समाजसेवक आणि आत्यावश्यक सेवांमध्ये काम करणाऱ्या व्यक्तींच्या कामाची दखल घेतली जाणार आहे.
