सदर घटना गोरखपूर जिल्ह्यात छपिया उमराव गावाच्या बरहलगंज पोलीस ठाण्याच्या हद्दीतील आहे. येथे छपिया उमराव गावातील रहिवासी कैलाश यादव (70 वर्षे) यांनी आपल्या मुलाची पत्नी पूजा (28 वर्षे) हिच्याशी मंदिरात लग्न केले. एका 70 वर्षांच्या व्यक्तीने 28 वर्षाच्या तरुणी सोबत लग्न केल्याने सर्वांनाच आश्चर्याचा धक्का बसला आहे.
कैलासच्या 4 मुलांपैकी तिसरी सून पतीच्या मृत्यूनंतर आपले पुढील आयुष्य दुसरं लग्न करून काढणार होती. पण इतक्यात सासऱ्याने आपले प्रेम सुनेवर व्यक्त करून तिच्याशी लग्न करण्याची इच्छा दर्शवली. तिने होकार दिल्यावर वय आणि समाजाचे बंधन तोडून दोघांनी मंदिरात जाऊन एकमेकांसोबत लग्नगाठ बांधली. या घटनेची चर्चा सर्वत्र होत असून फोटो व्हायरल झाले आहेत.
