लोकसभा निवडणुकीसाठी राज्यातील पहिल्या टप्प्यात सात जागांसाठी एकूण 116 उमेदवार मैदानात आहेत. नामनिर्देशन पत्रे वैध ठरलेल्या 147 पैकी 31 उमेदवारांनी आपली नामनिर्देशन पत्रे मागे घेतली असून, 116 उमेदवार निवडणूक रिंगणात आहेत, अशी माहिती मुख्य निवडणूक अधिकारी कार्यालयाकडून देण्यात आली. नागपुरातून विद्यमान केंद्रीय मंत्री आणि भाजपचे उमेदवार नितीन गडकरी यांच्याविरोधात सर्वाधिक 29 उमेदवार मैदानात असतील. यामध्ये काँग्रेसचे उमेदवार नाना पटोले यांचाही समावेश आहे.
