भारतात देशभर घरोघरी आणि सार्वजनिक रूपाने गणेश पाहुणे म्हणून विराजमान होणार आहेत. गणेश ही बुद्धीची आणि विघ्नहरण करणारी देवता असल्याने गणेश मूर्ती भेट म्हणूनही दिली जाते. फोटो, लॉकेट, अंगठय़ा, पेंडंट, मूर्ती, पेंटिंग अशा अनेक स्वरूपात या भेटी दिल्या जातात. आता गॅझेट स्वरूपातही गणेश भेट देणे शक्य झाले आहे. गणेशाच्या आकाराचे पेनड्राईव्ह ऑनलाइनवर खरेदीसाठी उपलब्ध आहेत. विशेष म्हणजे मस्त आकारातले हे पेनड्राईव्ह आकर्षक आहेतच पण सहज परवडणार या किमतीतही आहेत. एंटर यूएसबी 16 जीबी फ्लॅश ड्राईव्ह फ्लिपकार्टवर उपलब्ध असून त्याची किंमत आहे 735 रूपये.
गणेश/गणपती यूएसबी पेन ड्राईव्ह 8 जीबीचा असून तो अँमेझॉन वर उपलब्ध आहे. त्याची किंमत आहे 799 रूपये. मोसार्बिअर स्पेशल एडिशन 4 जीबी गणेश पेन ड्राईव्ह स्नॅपडीलवर 519 रूपयांत मिळतो आहे. एंटर देवदेवा 8 जीबीचा पेनड्राईव्ह फ्लिपकार्टवरच 560 रूपयात उपलब्ध आहे. तर एचपीचा 32 जीबीचा पेन ड्राईव्ह होमशॉप 18 वर उपलब्ध असून त्याची किंमत आहे 1125 रूपये.