राजस्थान रॉयल्सचा संघ प्ले ऑफमध्ये पोहोचण्याच्या जवळ आहे, मात्र त्याआधीच संघाला मोठा धक्का बसला आहे. राजस्थानचा स्टार सलामीवीर फलंदाज जोस बटलर इंग्लंडला परतला असून चालू हंगामातील संघाच्या उर्वरित सामन्यांसाठी तो उपलब्ध होणार नाही.
राजस्थानसाठी बटलरचे जाणे हा मोठा धक्का आहे. बटलरने या मोसमात 11 सामन्यात 140.78 च्या स्ट्राइक रेटने 359 धावा केल्या, ज्यात दोन शतकांचा समावेश आहे. बटलरच्या अनुपस्थितीत टॉम कोहलर कॅडमोर यशस्वी जैस्वालसोबत आघाडीवर फलंदाजी करेल, अशी शक्यता वर्तवण्यात येत आहे.
