भारताने ओव्हल कसोटी सामन्यात इंग्लंडचा ६ धावांनी पराभव केला. पाच सामन्यांची ही मालिका २-२ अशी बरोबरीत संपली. टीम इंडियाच्या या विजयात मोहम्मद सिराजने खूप महत्त्वाची भूमिका बजावली.
तसेच टीम इंडियाचा वेगवान गोलंदाज मोहम्मद सिराजने नुकत्याच संपलेल्या इंग्लंडविरुद्धच्या कसोटी मालिकेत शानदार कामगिरी केली. या मालिकेत त्याने १८५.३ षटके गोलंदाजी केली जिथे त्याने २३ विकेट्स घेतल्या. ओव्हल कसोटी सामन्यात भारताच्या विजयात त्याने मोठी भूमिका बजावली. दरम्यान, ओव्हल कसोटी सामना जिंकल्यानंतर, परदेशात भारतीय खेळाडू म्हणून सर्वाधिक सामने जिंकण्याच्या बाबतीत सिराजने एमएस धोनीला मागे टाकले आहे.
ओव्हल कसोटी सामन्यात मोहम्मद सिराजने दोन्ही डावात एकूण ९ विकेट घेतले. पहिल्या डावात त्याने ८६ धावांत ४ विकेट घेतले. दुसऱ्या डावात त्याने १०४ धावांत ५ विकेट घेतले. या शानदार कामगिरीसाठी मोहम्मद सिराजला सामनावीराचा पुरस्कार मिळाला. त्याच्याशिवाय प्रसिद्ध कृष्णाने एकूण ८ विकेट्स घेतल्या.
