सदर माहिती लखनौचे मुख्य प्रशिक्षक जस्टिन लँगर यांनी दिली आहे.
मयंकने चार सामन्यात 7 विकेट्स घेतल्या आहे. पण दोन सामन्यांत तो चार षटकांचा कोटा पूर्ण करू शकला नाही. त्याचे स्कॅनिंग करण्यात आले असून ज्या ठिकाणी त्याला आधी दुखापत झाली आहे त्याच ठिकाणी पुन्हा दुखापत झाली आहे. या दुखापतीमुळे तो पुढील सामने खेळू शकणार नाही.
लखनौ सुपर जायंट्सने आयपीएल 2022 च्या लिलावादरम्यान मयंक यादवचा संघात समावेश केला होता. मयंक यादव 20 लाख रुपयांच्या मूळ किंमतीसह लिलावात उतरला होता आणि लखनऊ सुपर जायंट्सने त्याला मूळ किंमतीवरच खरेदी केले होते. यानंतर तो दुखापतीमुळे आयपीएल 2023 मधून बाहेर पडला होता. यावेळी त्याला पदार्पणाची संधी मिळाली, मात्र तो पुन्हा एकदा जखमी झाला.
