रिंकू सिंगने इंडियन प्रीमियर लीगच्या 16व्या हंगामात कोलकाता नाईट रायडर्ससाठी आश्चर्यकारक कामगिरी केली आहे. फिनिशरची भूमिका बजावत त्याने केकेआरला अनेक सामन्यांमध्ये विजय मिळवून दिला आहे. या मोसमात रिंकू सिंग प्रसिद्ध झाला जेव्हा त्याने यश दयालला पाच चेंडूत सलग पाच षटकार ठोकून कोलकाताला गुजरात टायटन्सविरुद्ध रोमहर्षक विजय मिळवून दिला.
रजनीकांतने केला रिंकू सिंगला फोन
रिंकूनेही आपल्या कामगिरीने टीम इंडियासाठी दावा मांडला असल्याचे अनेकांचे मत आहे. माजी क्रिकेटपटूंनाही रिंकू सिंगच्या फलंदाजीची खात्री पटली आहे. दरम्यान, रिंकू सिंगच्या कामगिरीवर खूश असल्याने भारतीय सिनेसृष्टीतील मेगास्टार रजनीकांत यांनी रिंकू सिंगशी फोनवर बोलून त्यांना प्रोत्साहन दिले. रजनीकांतने रिंकू सिंगला फोन केला आणि काही प्रेरणादायी शब्द सांगितले. याआधी शाहरुख खाननेही रिंकू सिंगचे कौतुक केले आहे.
कोलकाता संघाविषयी बोलायचे झाले तर, सध्या 11 सामन्यांत 5 विजय आणि 6 पराभवानंतर 10 गुणांसह गुणतालिकेत सहाव्या स्थानावर आहे. त्याचा पुढचा सामना आज 11 मे रोजी कोलकाता येथील ईडन गार्डन्सवर राजस्थान रॉयल्सशी होणार आहे. हा सामना संध्याकाळी 7.30 वाजता होणार आहे.
दोन्ही संघांना प्लेऑफच्या शर्यतीत टिकून राहण्यासाठी आजचा सामना खूप महत्त्वाचा आहे. आज जो संघ हरेल, त्याचा पुढचा प्रवास खूप कठीण असेल. कोलकाताचा संघ पंजाबचा पराभव करून या सामन्यात प्रवेश करेल. त्याचवेळी, राजस्थानला गेल्या सामन्यात हैदराबादविरुद्ध त्यांच्या घरच्या मैदानावर निसटता पराभव स्वीकारावा लागला होता.
