आयपीएलमध्ये पंजाब किंग्जचा सामना रॉयल चॅलेंजर्स बंगळुरूशी झाला. या सामन्यात पंजाबने बेंगळुरूचा 54 धावांनी पराभव केला. 210 धावांच्या धावसंख्येचा पाठलाग करताना बंगळुरूचा संघ 9 गडी गमावून 155 धावाच करू शकला. पंजाबसाठी या सामन्यात रबाडाने 21 धावांत 3 बळी घेतले. त्यांच्याशिवाय राहुल चहर आणि ऋषी धवननेही 2-2 बळी घेतले. या विजयासह पंजाबने प्ले ऑफमध्ये पोहोचण्याच्या त्यांच्या आशा जिवंत ठेवल्या आहेत. या हंगामातील पंजाब किंग्जचा हा सहावा विजय आहे.
या विजयासह पंजाब किंग्ज 11 सामन्यांतून 6 विजय आणि 12 गुणांसह सहाव्या स्थानावर पोहोचला आहे. पण रॉयल चॅलेंजर्स बंगळुरूसाठी प्लेऑफचा रस्ता कठीण झाला आहे. 13 सामन्यांतून 7 विजय आणि 14 गुणांसह संघ अजूनही चौथ्या स्थानावर आहे. मात्र इतर संघांनी हा सामना जिंकल्यास बेंगळुरूला प्लेऑफमध्ये स्थान मिळवणे कठीण होऊ शकते.
