IPL 2022मध्ये चेन्नईचा 7 वा पराभव; बंगळुरूने चेन्नईवर 13 धावांनी मात केली. IPL 2022 चा 49 वा सामना फाफ डू प्लेसिसच्या नेतृत्वाखालील रॉयल चॅलेंजर्स बंगलोर आणि महेंद्रसिंग धोनीच्या नेतृत्वाखालील चेन्नई सुपर किंग्ज यांच्यात पुण्यातील महाराष्ट्र क्रिकेट असोसिएशन स्टेडियमवर खेळला गेला. हा सामना आरसीबीने जिंकला. आरसीबीने चेन्नईचा 13 धावांनी पराभव करत गुणतालिकेत अव्वल 4 मध्ये स्थान मिळवले.
या सामन्यात प्रथम फलंदाजी करताना RCB ने 173 धावा केल्या होत्या, मात्र चेन्नई संघाला 20 षटकात 8 गडी गमावून 160 धावा करता आल्या आणि सामना 13 धावांनी गमवावा लागला. चेन्नई सुपर किंग्जची पहिली विकेट ऋतुराज गायकवाडच्या (28) रूपाने पडली. रॉबिन उथप्पा धावू शकला. अंबाती रायुडू (10)ही लवकर बाद झाला. डेव्हन कॉनवेने शानदार अर्धशतक ठोकले. मात्र, 56 धावा करून तो बाद झाला. रवींद्र जडेजा 5 धावा करून पॅव्हेलियनमध्ये परतला. मोईन अलीने 34 धावा केल्या. धोनीने 2 धावा केल्या.
फॅफ डू प्लेसिस (38) आणि विराट कोहली (30) यांनी संघाला चांगली सुरुवात करून दिली आणि पहिल्या विकेटसाठी 62 धावांची भर घातली, पण त्यानंतर चेन्नईकडून फिरकीपटूंनी जोरदार पुनरागमन केले. महिपाल लोमरोरने 42, रजत पाटीदारने 21 आणि दिनेश कार्तिकने 26* धावा करत संघाला या धावसंख्येपर्यंत नेले. मोईन अलीने दोन आणि महेश तीक्षानाने तीन गडी बाद केले. रॉयल चॅलेंजर्स बंगळुरूने 20 षटकांत 8 गडी गमावून 173 धावा केल्या.
