अमेरिकेतील कॅलिफोर्नियातील पाम स्प्रिंग्ज येथील क्लिनिकजवळ झालेल्या बॉम्बस्फोटात एका व्यक्तीचा मृत्यू झाला. मिळालेल्या माहितीनुसार, कारमध्ये ठेवलेल्या बॉम्बमुळे हा स्फोट झाला आणि कार पूर्णपणे जळून खाक झाली. तपासात असे दिसून आले आहे की मृत व्यक्ती कारमध्ये होता आणि त्यानेच हा स्फोट घडवल्याचा संशय आहे.
या बॉम्बस्फोटात 5 जण जखमी झाले. जखमींना जवळच्या रुग्णालयात दाखल करण्यात आले आहे, जिथे त्यांच्यावर उपचार सुरू आहेत. मिळालेल्या माहितीनुसार, जखमींची प्रकृती स्थिर असल्याचे सांगण्यात येत आहे.
अमेरिकेच्या गुप्तचर तपास संस्थेने एफबीआयने या बॉम्बस्फोटाचे वर्णन दहशतवादी हल्ला म्हणून केले आहे. याबद्दल बोलताना, एफबीआयच्या लॉस एंजेलिस प्रादेशिक कार्यालयाचे प्रमुख अकिल डेव्हिस म्हणाले की, या प्रकरणाचा तपास सुरू आहे आणि ही आंतरराष्ट्रीय दहशतवादाची घटना आहे की देशांतर्गत दहशतवादाची हे शोधण्याचे प्रयत्न सुरू आहेत.
