पाकिस्तानच्या अशांत बलुचिस्तान प्रांतात सोमवारी सशस्त्र लोकांनी बसला लक्ष्य केले आणि 23 प्रवाशांची गोळ्या झाडून हत्या केली. मीडिया रिपोर्ट्समध्ये असे म्हटले आहे की सशस्त्र लोकांनी प्रवाशांना बसमधून उतरवले आणि त्यांची ओळख विचारली. त्यानंतर 23 जणांची गोळ्या झाडून हत्या करण्यात आली. बलुचिस्तानमधील मुसाखेल जिल्ह्यात ही घटना घडली.
हल्लेखोरांनी 10 वाहनांना आग लावली. या हल्ल्यांनंतर पोलिसांनी घटनास्थळी जाऊन मृतदेह रुग्णालयात पाठविले. बलुचिस्तानचे मुख्यमंत्री सरफराज बुगती यांनी या दहशतवाद हल्ल्याचा निषेध केला.त्यांनी मृतकांच्या कुटुंबियांबद्दल मनापासून संवेदना आणि सहानुभूती व्यक्त केली.हल्लेखोरांना सोडले जाणार नाही. तसेच त्यांना मदत करणाऱ्यांना देखील सोडले जाणार नाही.
