पती-पत्नीच्या नात्यावर अनेक वेळा विचित्र प्रकरणे समोर येतात, मात्र असेच एक प्रकरण समोर आले आहे, जिथे पत्नीने कमालच केले आहे. एका स्पॅनिश महिलेने तिच्याच पतीकडून अपहरणाची खंडणी मागून पैसे उकळले. महिलेने तिच्या किडनेपिंगचे नाटक रचून रुग्णालयात पडलेल्या पतीचे लाखो रुपये घेतले असताना हा सर्व प्रकार घडला.
ही घटना स्पेनमधील आहे. ही महिला खूप जुगार खेळायची आणि तिला जुगाराचे व्यसन होते. तिच्या पतीची प्रकृती बरी नसल्याने ते रुग्णालयात दाखल होते. दरम्यान, तिने पतीला फोनवर सांगितले की, काही लोकांनी तिचे अपहरण केले आहे आणि तिच्या सुटकेच्या बदल्यात सुमारे 5 लाख रुपयांची मागणी केली आहे. यानंतर पतीने ते पैसे महिलेकडे पाठवले.
महिलेच्या पतीने ते पैसे कोणासह तरी पाठवले, पण त्याचवेळी पतीने पोलिसांना संपूर्ण प्रकरण सांगून आणि पत्नीचा मोबाईल नंबरही दिला. यानंतर पोलीस सक्रिय झाले. दुसरीकडे, पैसे मिळाल्यानंतर ही महिला एका मॉलमध्ये जात असताना पोलिसांनी तिला पाहिले. पोलिसांना संशय येताच त्यांनी महिलेला ताब्यात घेतले. पोलिसांनी चौकशी सुरू केली असता हा सर्व प्रकार महिलेनेच केल्याचे महिलेच्या जबानीवरून समजले.
अखेर पोलिसांनी ही गोष्ट महिलेच्या पतीलाही सांगितली. सध्या महिलेची जामिनावर सुटका झाली असली तरी खटल्याची सुनावणी सुरू राहणार आहे. पोलिसांनी दिलेल्या निवेदनात म्हटले आहे की, तपासादरम्यान असे आढळून आले आहे की महिलेने इतर काही लोकांसोबत मिळून हा खेळ रचला आहे. ही महिला अद्याप हे स्वीकारत नसली तरी. मात्र हळूहळू तपास जसजसा पुढे जाईल तसतसे प्रकरण समोर येईल.
