अमेरिकेचे राष्ट्राध्यक्ष डोनाल्ड ट्रम्प यांनी मे महिन्यात कतारच्या अल उदेद तळाला भेट दिली होती. येथे अमेरिकन सैनिकांशी बोलताना ते म्हणाले, "माझी प्राथमिकता संघर्ष सुरू करणे नाही तर संपवणे आहे. परंतु जर गरज पडली तर मी अमेरिकन शक्ती वापरण्यास कधीही मागेपुढे पाहणार नाही, मग ते अमेरिकेचे किंवा आमच्या मित्र राष्ट्रांचे रक्षण करण्यासाठी असो. कतार आमच्या सर्वात मोठ्या मित्रांपैकी एक आहे." अध्यक्ष ट्रम्प म्हणाले, "जेव्हा आम्हाला धमकी दिली जाते तेव्हा अमेरिकन सैन्य आमच्या शत्रूंना संकोच न करता प्रत्युत्तर देईल. आमच्याकडे प्रचंड ताकद आणि विध्वंसक शक्ती आहे."
अहवालात असेही म्हटले आहे की इराणकडून संभाव्य प्रत्युत्तरात्मक क्षेपणास्त्र हल्ल्यामुळे संयुक्त अरब अमिरातीने (यूएई) आपले हवाई क्षेत्र बंद केले आहे. इराणच्या आयआरआयबीने या प्रत्युत्तरात्मक हल्ल्याला 'विजय संदेश' असे नाव दिले आहे. रॉयटर्सने सांगितले की कतारची राजधानी दोहामध्येही स्फोटांचे आवाज ऐकू आले.
न्यूज वेबसाइट अ‍ॅक्सिओसने आज एका इस्रायली अधिकाऱ्याच्या हवाल्याने म्हटले आहे की इराणने कतारमधील अमेरिकन लष्करी तळावर सहा क्षेपणास्त्रे डागली आहेत. अ‍ॅक्सिओसने यापूर्वी असेही वृत्त दिले होते की इराण या अमेरिकन हवाई तळांवर क्षेपणास्त्र हल्ला करण्याची तयारी करत आहे. रॉयटर्सनेही त्यांच्या अहवालात याची पुष्टी केली आहे.
