इराणने मंगळवारी इस्रायलवर मोठा प्रत्युत्तरात्मक हल्ला केला आहे. इराणी सैन्याने इस्रायली गुप्तचर संस्था मोसादच्या मुख्यालयासह इतर महत्त्वाच्या ठिकाणी मोठा हल्ला केला. इराणने केलेल्या या प्रत्युत्तरादाखल हल्ल्यादरम्यान, इस्रायलवर 370 हून अधिक क्षेपणास्त्रे आणि शेकडो ड्रोन डागण्यात आले.
इस्रायली सैन्याने सांगितले की, मंगळवारी पुन्हा तेहरानने उत्तर इस्रायलवर क्षेपणास्त्रांनी हल्ला केला, ज्यामुळे स्फोटांचे आवाज ऐकू आले. दरम्यान, इराणच्या राजधानीत दुकाने बंद आहेत आणि पेट्रोलसाठी रांगा लागल्या आहेत. मंगळवारी सकाळपासून तेहरानचा मुख्य भाग रिकामा होऊ लागला आणि अनेक दुकाने बंद राहिली.
सुरू असलेल्या संघर्षादरम्यान अधिकाऱ्यांनी डॉक्टर आणि परिचारिकांच्या सुट्ट्या रद्द केल्या आहेत. इराणी सरकारी अधिकारी सतत सांगत आहेत की सर्वकाही नियंत्रणात आहे आणि त्यांनी काय करावे याबद्दल जनतेला कोणतेही मार्गदर्शक तत्त्वे दिलेली नाहीत. दरम्यान, इस्रायली सैन्याने तेहरानवरील हल्ल्यात इराणचे सर्वोच्च जनरल अली शादमानी यांना ठार मारल्याचा दावा केला आहे. परंतु इराणने जनरलच्या हत्येवर त्वरित भाष्य केलेले नाही.
