लग्नानंतर पतीने लिंगबदलाची शस्त्रक्रिया करून घेतल्यामुळे सिंगापूरमध्ये एका जोडप्याचे लग्नच रद्द करण्यात आले. लिंगबदल केल्यानंतर पती-पत्नी या दोघांचेही लिंग एकच झाले असून सिंगापूरमधील कायद्यानुसार समलैंगिक विवाहाला मान्यता नाही. त्यामुळे या लग्नाला परवानगी देता येत नाही, असे सरकारने म्हटले आहे.
सिंगापूरमध्ये विवाहीत जोडप्यांना घर खरेदी करण्यासाठी सरकारकडून अनुदान दिले जाते. त्यावेळी कागदपत्रे तपासताना या लिंगबदलाचा प्रकार समोर आला. त्यानंतर त्यांचे लग्न तर रद्द झालेच, पण त्यांच्या घर विकत घेण्याची योजनाही बारगळली.
