देशातच नव्हे तर जगभरात दिवाळीचा उत्साह सर्वत्र पाहायला मिळत आहे. नुकताच अमेरिकेतून एक व्हिडिओ समोर आला आहे, ज्यामध्ये इथली सर्वात उंच इमारत 'वन वर्ल्ड ट्रेड सेंटर' रंगीबेरंगी दिव्यांनी चमकताना दिसत आहे. हा देखावा खूप खास होता, कारण यंदाची दिवाळी न्यूयॉर्कसाठी ऐतिहासिक ठरली आहे.
न्यूयॉर्क शहराच्या महापौरांचे आंतरराष्ट्रीय घडामोडींचे उपायुक्त दिलीप चौहान म्हणाले, 'यंदा दिवाळी खास आहे. न्यूयॉर्क शहराच्या इतिहासात प्रथमच दिवाळीनिमित्त 1 नोव्हेंबर रोजी शाळा बंद ठेवण्यात येणार आहेत.
चौहान म्हणाले, 'न्यूयॉर्कमध्ये जेथे 11 लाख विद्यार्थी शाळेत शिकत आहेत, तेथे सार्वजनिक सुट्टी जाहीर करणे सोपे नाही. अनेक समाजाच्या नेत्यांनी अनेक वर्षांपूर्वी ही चळवळ सुरू केली. अखेरीस, न्यूयॉर्कचे महापौर एरिक ॲडम्स यांच्या प्रशासनाने जाहीर केले की 1 नोव्हेंबर रोजी शाळेला सुट्टी असेल.दिवाळी आता अमेरिकेत उघडपणे साजरी केली जात आहे. अमेरिकेच्या राष्ट्राध्यक्षांनी भारतीय-अमेरिकन नागरिकांसोबत दिवाळी साजरी केली
