दाऊद इब्राहिमचा विश्वासू साथीदार म्हणून ओळखल्या जाणार्या अब्दुल रौफल 2009 मध्ये बांग्लादेशमध्ये अटक करण्यात आली होती. येथे अवैधरित्या घुसखोरी करणे आणि बनावट पासपोर्टप्रकरणी रौफला पोलिसांनी अटक केली होती. सुरुवातीचा काही काळ रौफला गाजीपूरमधील काशिमपूर तुरुंगात ठेवण्यात आले होते. यानंतर त्याला ढाकामधील तुरुंगात हलवण्यात आले होते. शिक्षेचा कालावधी पूर्ण झाल्याने रौफला ढाकातील तुरुंगातून सोडण्यात आले आहे. रौफला भारताच्या ताब्यात देण्यास बांग्लादेश सरकार राजी असल्याचे सूत्रांनी सांगितले.