सुमारे 66 सैनिकांच्या मृत्यूची पुष्टी केली आहे. यापूर्वी, कोलंबियातील प्युर्टो लेगुइझामो शहराच्या महापौरांनी विमान अपघातात 34 सैनिकांचा मृत्यू झाल्याचे सांगितले होते. प्रसारमाध्यमांच्या वृत्तानुसार, 20 हून अधिक सैनिक बेपत्ता आहेत. हवाई दलाने सांगितले की, हर्क्युलस सी-130 विमानात 110 सैनिक आणि 11 कर्मचाऱ्यांसह एकूण 121जण होते. सोमवारी उड्डाण करताना विमान कोसळले. कोलंबियातील पुटुमायो येथील प्युर्टो लेगुइझामो येथून विमानाने उड्डाण केले, परंतु थोड्याच वेळात ते कोसळले.
अपघात झालेले विमान हे अमेरिकन कंपनी लॉकहीड मार्टिनने बनवलेले हर्क्युलस सी-130 हे वाहतूक विमान होते. अपघातामुळे, लष्करी वाहतूक विमानातून नेण्यात येत असलेल्या दारुगोळ्याचा आणि स्फोटकांचाही स्फोट झाला, ज्यामुळे अपघातात मोठे नुकसान झाले आणि बचाव कार्य अवघड झाले.
कोलंबियन हवाई दलाचे कमांडर कार्लोस फर्नांडो सिल्वा म्हणाले की, विमानात तांत्रिक बिघाड झाला होता आणि ते विमानतळापासून सुमारे दोन किलोमीटर अंतरावर कोसळले, याव्यतिरिक्त अपघाताबद्दल अधिक तपशील उपलब्ध नाही.
