attack on hindu minister in Pakistan : पाकिस्तानच्या सिंध प्रांतात नवीन कालव्यांच्या योजनेविरुद्ध रॅली काढणाऱ्या निदर्शकांनी हिंदू नेते आणि राज्यमंत्री खैल दास कोहिस्तानी यांच्यावर हल्ला केला आहे. या हल्ल्यात कोहिस्तानीला कोणतीही इजा झाली नाही. पाकिस्तानचे पंतप्रधान शाहबाज शरीफ यांनी या घटनेच्या चौकशीचे आदेश दिले आहेत.
रेडिओ पाकिस्तानने वृत्त दिले की पंतप्रधान शाहबाज शरीफ यांनी कोहिस्तानी यांना फोन करून घटनेची सखोल चौकशी करण्याचे आश्वासन दिले. पंतप्रधान म्हणाले की, लोकप्रतिनिधींवरील हल्ला अस्वीकार्य आहे. या घटनेत सहभागी असलेल्यांना कठोर शिक्षा दिली जाईल.
नॅशनल असेंब्लीच्या वेबसाइटवर उपलब्ध असलेल्या त्यांच्या वैयक्तिक माहितीनुसार, कोहिस्तानी हे सिंधमधील जामशोरो जिल्ह्यातील रहिवासी आहेत आणि 2018 मध्ये ते पीएमएल-एन कडून पहिल्यांदाच संसद सदस्य म्हणून निवडून आले होते. त्यांचा 5 वर्षांचा कार्यकाळ पूर्ण केल्यानंतर, 2024 मध्ये ते पुन्हा निवडून आले आणि त्यांना राज्यमंत्री बनवण्यात आले.
