आरोग्यदायी आणि पोषक पदार्थाचे आहारातील महत्त्व मला कळते मात्र तरीही चिप्स आणि कांदा घालून केलेले मसालेदार पदार्थ समोर आले की मी ते खाण्याचा मोह आवरू शकत नाही अशी कबुली अमेरिकेचे अध्यक्ष बराक ओबामा यांनी मुलांसाठी व्हाईट हाऊसमध्ये आयोजित करण्यात आलेल्या मेजवानीच्या वेळी दिली. व्हाईट हाऊसमध्ये दरवर्षी असे किडस् डिनर आयोजित केले जाते.
त्यावेळी बोलताना ओबामांनी त्यांना चिप्स आवडतात तर फर्स्ट लेडी मिशेल ओबामा फ्रेंच फ्राईजच्या दिवान्या असल्याचेही सांगितले. ओबामा कन्या मालिया आणि साशा आईस्क्रीम, सुशी आणि पाय पसंत करतात अशीही माहिती ओबामांनी या मुलांना दिली.