मराठी उखाणे See Video

समुद्राला आली भरती, नदीला आला पूर

...करता माहेर केले मी दूर


अरबी समुद्रात उसळल्या लाटा

...च्या सुख-दुःखात माझाही वाटा


द्राक्षाच्या वेलीला त्रिकोणी पान

...चे नाव घेते ऐका देऊन कान


वृक्षाच्या छायेत, वनदेवी घेते विसावा

...चे नाव घेते सर्वांचा आशीर्वाद असावा


गीतात जसा भाव, फुलांत जसा सुगंध

...च्या जीवनात मला भरभरून आनंद


साधी राहणी, उच्च विचारसरणी

याच तत्त्वाने वागेल ...ची गृहिणी


भरल्या पंगतीत रांगोळी काढली चित्रांची

पंगत बसली ...रावांच्या मित्रांची
 

चांदीच्या करंड्याला नक्षीदार झाकण

...रावांचं नाव घेऊन सोडते कंकण


शुभ काळी शुभ वेळी आली आमची वरात

...रावांचे नाव घेते सासरच्या घरात
 

पानापानावर पसरले कोवळे कोवळे ऊन

...रावांचं नाव घेते ...ची सून


वर्तन असावे नम्र, शब्द असावा गोड

...रावांच्या संसाराला माझी आनंदी जोड

वेबदुनिया वर वाचा

संबंधित माहिती