ज्या व्यक्तीच्या कुंडलीत शनि प्रबळ असतो, त्याला जीवनात सुख-समृद्धी मिळते. तर दुसरीकडे शनिदेवाच्या वाईट नजरेमुळे व्यक्तीला अनेक प्रकारच्या संकटांना सामोरे जावे लागते. शनि जयंतीच्या दिवशी व्यक्तीने पूजेसोबत काही खबरदारी घ्यावी. चला जाणून घेऊया शनि जयंतीच्या दिवशी कोणत्या पदार्थांचे सेवन करु नये.
शनैश्चर जयंतीच्या दिवशी या गोष्टींचे सेवन करू नका
शनि जयंतीच्या दिवशी शनिदेवाचा प्रभाव सर्वाधिक असतो असे ज्योतिषशास्त्रात सांगण्यात आले आहे. त्यामुळे या दिवशी दुधाचे सेवन करू नये. याचे कारण म्हणजे दूध हे शुक्राशी संबंधित आहे जो इच्छांचा कारक आहे आणि शनिदेव अध्यात्माशी संबंधित आहे. त्यामुळे दुधाचे सेवन टाळावे. असे केल्याने वैवाहिक जीवनात अडचणी येऊ शकतात.
ज्योतिषी सांगतात की शनिदेव उग्र स्वभावाचे आहेत, त्यामुळे शनिदेव जयंतीला चुकूनही तिखट पदार्थांचे सेवन करू नये. या दिवशी लाल तिखट खाऊ नये नाहीतर आयुष्यात अनेक प्रकारच्या समस्या निर्माण होऊ शकतात. यासोबतच व्यक्तीला शनिदेवाच्या कोपाचा सामना करावा लागू शकतो.
शनि जयंतीच्या दिवशी व्यक्तीने चुकूनही मांसाहार, मसालेदार अन्न व मद्य आदींचे सेवन करू नये. हे सर्व राक्षसी वृत्तीचे अन्न असून त्याचे सेवन केल्याने व्यक्तीच्या जीवनात अनेक समस्या उद्भवू शकतात. यासोबतच शनि जयंतीच्या दिवशी या गोष्टींचे सेवन करून शनिदेवाची पूजा केल्याने त्यांना राग येऊ शकतो आणि व्यक्तीच्या कुंडलीत शनि दोषाची भीती वाढू शकते.
