गुढी उभारनी

सोमवार, 13 मार्च 2023 (17:34 IST)
गुढीपाडव्याचा सन
आतां उभारा रे गुढी
नव्या वरसाचं देनं
सोडा मनांतली आढी
 
गेलसालीं गेली आढी
आतां पाडवा पाडवा
तुम्ही येरांयेरांवरी
लोभ वाढवा वाढवा
 
अरे, उठा झाडा आंग
गुढीपाडव्याचा सन
आतां आंगन झाडूनी
गेली राधी महारीन
 
कसे पडले घोरत
असे निस्सयेलावानी
हां हां म्हनतां गेला रे
रामपहार निंघूनी
 
आतां पोथारा हे घर
सुधारा रे पडझडी
करीसन सारवन
दारीं उभारा रे गुढी
 
चैत्राच्या या उन्हामधीं
जीव व्हये कासाईस
रामनाम घ्या रे आतां
रामनवमीचा दीस
 
पडी जातो तो 'पाडवा'
करा माझी सुधारनी
आतां गुढीपाडव्याले
म्हना 'गुढी उभारनी'
 
काय लोकाचीबी तर्‍हा
कसे भांग घोटा पेल्हे
उभा जमीनीच्या मधीं
आड म्हनती उभ्याले
 
आस म्हनूं नही कधीं
जसं उभ्याले आडवा
गुढी उभारतो त्याले
कसं म्हनती पाडवा ?
 
- बहिणाबाई चौधरी यांची ही काव्यरचना आहे.

वेबदुनिया वर वाचा

संबंधित माहिती

नवीन

Kuber Chalisa धन देवता कुबेराला प्रसन्न करा, आयुष्यात कधीही पैशाची कमतरता भासत नाही

गुरुचरित्र अध्याय चौदावाचे महत्त्व, फळप्राप्ती आणि नियम जाणून घ्या

Golden Temple सुवर्ण मंदिर अमृतसर पंजाब

Guru Hargobind Singh Jayanti 2025 गुरु हर गोविंद सिंह महाराज यांचे जीवन तत्वज्ञान

गुरुवारी या इलेक्ट्रॉनिक आणि तीक्ष्ण वस्तू घरी आणू नका, या दिवसाचे नियम जाणून घ्या

नक्की वाचा

वाराणसीतील दशाश्वमेध आणि अस्सी घाटावर गंगा आरती का केली जाते?

श्री राजराजेश्वर्यष्टकम् Rajarajeshwari Ashtakam in Marathi

स्वप्नात वारंवार स्मशानभूमी, मृतदेह किंवा अंत्ययात्रा पाहणे, हे शुभ शकुन आहे की अशुभ?

आता दुधावरची साय खराब होणार नाही, जास्त काळ ताजी ठेवण्यासाठी या टिप्स अवलंबवा

धनु राशीच्या मुलींसाठी मराठी नावे अर्थासहित