आनंदीबेन पटेल गुजरातच्या नव्या मुख्यमंत्री

गुजरातचे मुख्यमंत्री नरेंद्र मोदी यांनी आज (बुधवार) मुख्यमंत्रिपदाचा राजीनामा दिला असून त्यांची पंतप्रधानपदी निवड झाल्यानंतर रिक्त झालेल्या गुजरातच्या मुख्यमंत्रिपदासाठी भारतीय जनता पक्षाने (भाजप) आज आनंदीबेन पटेल यांची निवड केली. आनंदीबेन पटेल यांच्या निवडीमुळे गुजरातला पहिल्या महिला मुख्यमंत्री मिळाल्या आहेत. 

भाजप आमदारांच्या बैठकीआधी गेली 13 वर्षे गुजरातचे मुख्यमंत्रिपद भूषविणाऱ्या नरेंद्र मोदी यांच्यासाठी निरोप समारंभाचे आयोजन करण्यात आले होते. यानंतर मोदींनी मुख्यमंत्रिपदाचा राजीनामा राज्यपाल कमला बेनिवाल यांच्याकडे सुपूर्त केला.