Uruguay vs Korea Republic : फिफा विश्वचषकाच्या गट-एच फेरीचे सामने सुरू झाले आहेत. ग्रुप-एच च्या पहिल्या सामन्यात 2010 च्या उपविजेत्याला आशियाई दिग्गज कोरिया रिपब्लिकचे आव्हान होते. मात्र, दोन्ही संघांना एकही गोल करता आला नाही. फिफा क्रमवारीत 28व्या क्रमांकावर असलेल्या कोरिया रिपब्लिकने 14व्या क्रमांकावर असलेल्या उरुग्वेला 0-0 असे बरोबरीत रोखले.
उरुग्वेचा संघ आता २८ नोव्हेंबरला पोर्तुगालविरुद्ध खेळणार असून त्याच दिवशी कोरियाचा संघही घानाविरुद्ध खेळणार आहे. या विश्वचषकात उरुग्वेने आठवा सामना अनिर्णित ठेवला आहे. या स्पर्धेतील कोणत्याही संघाची ही तिसरी सर्वाधिक खेळी आहे. उरुग्वेपेक्षा फक्त इंग्लंड (11) आणि ब्राझील (9) यांनी जास्त अनिर्णित सामने खेळले आहेत. उरुग्वे संघाचे दोन शॉट गोलपोस्टला लागले. 1990 नंतर उरुग्वे संघासोबत असे पहिल्यांदाच घडले आहे.
दोन्ही संघांनी काही सोप्या संधी गमावल्या. आकडेवारी पाहता उरुग्वेने सामन्यादरम्यान गोलवर 10 शॉट्स मारण्याचा प्रयत्न केला. यापैकी फक्त एक शॉट लक्ष्यावर होता. मात्र, संघाला एकही गोल करता आला नाही. त्याचवेळी कोरियाने सात शॉट्स मारण्याचा प्रयत्न केला. मात्र, संघाचा एकही फटका लक्ष्यावर राहू शकला नाही. उरुग्वेचा चेंडूवर ताबा 56 टक्के आणि कोरियाचा 44 टक्के होता. दोन्ही संघातील एका खेळाडूला पिवळे कार्ड मिळाले. उरुग्वेच्या मार्टिन कॅसेरेस आणि कोरियाच्या चो गे सुंग यांना यलो कार्ड मिळाले.
