दिल्ली आणि तेलंगण या ठिकाणी कोरोना व्हायरसचे रुग्ण आढळले आहेत. चीनमधून जगात पसरलेल्या कोरोना व्हायरसचा दिल्लीत आढळलेला हा पहिलाच रुग्ण आहे. यापूर्वी केरळमध्ये कोरोना व्हायरसचे तीन रुग्ण आढळले होते. आता दिल्ली आणि तेलंगण या ठिकाणीही कोरोनाचे दोन रुग्ण आढळले आहेत. या दोघांचीही प्रकृती स्थिर आहे त्यांच्यावर उपचार करण्यात येत आहेत.
चीनमधील वुहानमधून कोरोना व्हायरसची लागण सुरु झाली. भारतात केरळनंतर तीन रुग्ण आढळले होते. या तिघांवरही उपचार करण्यात आले असून त्यांना रुग्णालयातून सुटी देण्यात आली. आता आणखी दोन रुग्ण एक दिल्लीत तर एक तेलंगण येथील आढळले आहेत. दिल्लीत कोरोनाची लागण झालेला रुग्ण नुकताच इटलीहून परतल्याचं समजतं आहे. तेलंगण आढळलेला रुग्ण दुबईतून परतला आहे.
