चेन्नई पोलिसांनी सोमवारी तमिळ आणि तेलुगू चित्रपटसृष्टीतील प्रसिद्ध अभिनेता श्रीकांत, ज्याला श्रीराम म्हणूनही ओळखले जाते, त्याला अटक केली. त्याची अटक आता चर्चेत आहे. या अभिनेत्याला ड्रग्ज प्रकरणात अटक करण्यात आली आहे आणि आता त्याला7 जुलैपर्यंत न्यायालयीन कोठडीत पाठवण्यात आले आहे.
पोलिसांनी श्रीकांतची सुमारे आठ तास चौकशी केली, त्यानंतर अभिनेत्याला न्यायालयीन कोठडीत पाठवण्यात आले. ड्रग्जशी संबंधित प्रकरणात श्रीकांतवर ही कारवाई करण्यात आली आहे,
माहिती देताना पोलिसांनी सांगितले की, किलपॉक मेडिकल कॉलेज रुग्णालयात वैद्यकीय तपासणीसाठी श्रीकांतच्या रक्ताचे नमुने घेण्यात आले. त्यानंतर तपासात अभिनेत्याच्या शरीरात अंमली पदार्थ असल्याचे सिद्ध झाले. पोलिसांनी सांगितले की, सोमवारी रात्री श्रीकांतला एग्मोर येथील 14 व्या महानगर दंडाधिकाऱ्यांच्या निवासस्थानी नेण्यात आले आणि रिमांडवर घेण्यात आले. आता अभिनेत्याला 7 जुलैपर्यंत न्यायालयीन कोठडी सुनावण्यात आली आहे.
माजी अण्णाद्रमुक सदस्याला ड्रग्ज तस्करीच्या आरोपाखाली अटक करण्यात आली तेव्हा श्रीकांत संशयाच्या भोवऱ्यात आला. चौकशीदरम्यान प्रसादने श्रीकांतला ड्रग्ज पुरवल्याची कबुलीही दिली. अण्णाद्रमुकमधून काढून टाकण्यात आलेल्या प्रसादकडून श्रीकांतवर ड्रग्ज खरेदी आणि सेवन केल्याचा आरोप आहे. त्यानंतर चेन्नई पोलिसांनी श्रीकांतला अटक केली.
