अभिनेत्री शिल्पा शेट्टीचा पती राज कुंद्राला अश्लील चित्रपट बनवल्याप्रकरणी सोमवारी न्यायालयातून जामीन मिळाला. राजला अश्लील व्हिडीओ प्रकरणी 50 हजार रुपयांच्या जातमुचलक्यावर जामीन मंजूर करण्यात आला. राज यांना 2 महिन्यांनी जामीन मिळाला. आता राजला जामीन मिळाल्यानंतर पत्नी आणि अभिनेत्री शिल्पा शेट्टीने इन्स्टाग्राम स्टोरीवर एक संदेश शेअर केला आहे.
या मेसेजमध्ये ज्या गोष्टी लिहिल्या गेल्या आहेत ते पाहून येथे असा अंदाज बांधला जात आहे की राज यांना जामीन मिळाल्यानंतरच त्यांनी ही पोस्ट शेअर केली आहे. पोस्टमध्ये इंद्रधनुष्य दृश्यमान आहे आणि त्यावर लिहिले आहे, 'इंद्रधनुष्य हे सिद्ध करण्यासाठी असतं की वाईट वादळानंतरही सुंदर गोष्टी घडतात.' हे कोट रॉजर ली यांनी लिहिले आहे.
राजला 19 जुलै रोजी अटक करण्यात आली होती. राज यांच्यासह या प्रकरणात आणखी 11 जणांना अटक करण्यात आली. राजच्या याचिकेवर अनेक वेळा सुनावणी झाली आणि प्रत्येक वेळी त्यांची कोठडी वाढवण्यात आली, पण आता राजला जामीन मिळाला आहे.
