बॉलिवूडचा सुपरस्टार सलमान खान लवकरच साऊथ स्टार चिरंजीवीच्या 'गॉडफादर' चित्रपटात कॅमिओ करणार आहे. सलमानचाही हा साऊथ डेब्यू असेल. नुकताच या चित्रपटाचा ट्रेलर प्रदर्शित झाला असून त्याला प्रेक्षकांचा उदंड प्रतिसाद मिळाला आहे. ट्रेलर लॉन्च इव्हेंटमध्ये, सलमानने बॉलीवूड Vs साउथ बद्दल चालू असलेल्या वादावर भाष्य केले.
सलमान म्हणाला, लोकांना हॉलिवूडमध्ये जायचे आहे, मला दक्षिणेत जायचे आहे. आपण सगळे मिळून काम करू लागलो तर अजून किती लोकं येतील याची कल्पना करा. लोक तुमचे चित्रपट इथे पाहतील आणि दक्षिणेतही पाहतील. प्रत्येकाकडे थिएटर्स आहेत. चाहते जाऊन मला पाहतील. माझे चाहते चिरंजीवीचे चाहते होतील. त्याचे चाहते माझे होतील.
'गॉडफादर' हा एक राजकीय थ्रिलर चित्रपट आहे. या चित्रपटात चिरंजीवीसोबत नयनतारा, सत्यदेव आणि सलमान खान दिसणार आहेत. या चित्रपटात सलमान एका गुर्गाच्याच्या भूमिकेत आहे. हा चित्रपट 5 ऑक्टोबरला प्रदर्शित होत आहे.
