हिंदी चित्रपटसृष्टीतील अनेक चित्रपटांचा साक्षीदार राहिलेला आर. के. स्टुडिओ कपूर कुटुंबीयांनी हा स्टुडिओ विकण्याचा निर्णय घेतला आहे. स्टुडिओतून मिळणारे उत्पन्न तुलनेने कमी असून त्याच्या देखभालीसाठी होणारा खर्च जास्त असल्यामुळे हा निर्णय घेण्यात आला. ऋषी कपूर यांनी या बातमीला दुजोरा दिला. शो मॅन राज कपूर यांनी या स्टुडिओची स्थापना केली होती.
आर.के. स्टुडिओला लागलेल्या भीषण आगीनंतर स्टुडिओचे आणि त्यात संग्रहीत केलेल्या स्मृतींचेही मोठे नुकसान झाले. आता तो पुन्हा उभा करणे शक्य नाही. आता हा स्टुडिओ विकणे योग्य ठरेल असा निर्णय आम्ही सर्वानुमते घेतला, असे त्यांनी स्पष्ट केले.
