आर माधवनचा रॉकेट्री द नंबी इफेक्ट हा चित्रपट 1 जुलै 2022 रोजी थिएटरमध्ये प्रदर्शित झाला. या चित्रपटाला प्रेक्षकांचा खूप चांगला प्रतिसाद मिळाला. भारतीय अंतराळ संशोधन संस्था, इस्रोचे शास्त्रज्ञ नंबी नारायण यांच्या या चित्रपटाच्या कथेने प्रेक्षकांना भावूक केले. प्रेक्षकांसोबतच या चित्रपटाला समीक्षकांसोबतच सेलिब्रिटींकडूनही दाद मिळाली. आता अभिनेता आर माधवनने चित्रपटाच्या यशाबद्दल एका पार्टीचे आयोजन केले होते. ज्यामध्ये शास्त्रज्ञ नंबी नारायण सहभागी झाले होते. मिळालेल्या माहितीनुसार, नंबी नारायणचे कुटुंबही या पार्टीत सामील झाले होते.
'रॉकेटरी द नंबी इफेक्ट' या चित्रपटात शास्त्रज्ञ नंबी नारायण यांची कहाणी दाखवण्यात आली आहे की, एका देशभक्त माणसाला हेरगिरीच्या खोट्या प्रकरणात कसे अडकवले जाते, ज्यामुळे त्याचे संपूर्ण कुटुंब उद्ध्वस्त होते. यासोबतच हा चित्रपट नंबी नारायण यांचे कर्तृत्व आणि देशाच्या अंतराळ विज्ञानातील त्यांचे योगदान दाखवतो. 20 कोटींच्या बजेटमध्ये बनलेल्या या चित्रपटाच्या हिंदी आवृत्तीने 22 कोटींहून अधिक कलेक्शन केले असून जगभरातही या चित्रपटाने 40 कोटींहून अधिकचा व्यवसाय केला आहे.आर माधवन अभिनीत आणि दिग्दर्शित 'रॉकेटरी द नंबी इफेक्ट' हा चित्रपट अनेक भाषांमध्ये थिएटरमध्ये प्रदर्शित झाला
