बिग बॉस 17 वीकेंड का वार: अंकिता लोखंडे आणि विकी जैन हे बिग बॉस 17 च्या सर्वाधिक चर्चेत असलेल्या स्पर्धकांपैकी एक आहेत. अंकिता ही एक प्रसिद्ध टीव्ही अभिनेत्री आहे आणि ती एकता कपूरच्या शो पवित्र रिश्ता मध्ये मुख्य भूमिका साकारण्यासाठी ओळखली जाते. मात्र, बिग बॉसच्या घरात त्यांचे वेगळेच व्यक्तिमत्त्व पाहायला मिळत आहे.
बिग बॉस 17 मधील अंकिता लोखंडेची पहिली लढत खानजादीसोबत होती. दोघांमधील वाद इतका वाढला की सोशल मीडियावरही त्याची चर्चा झाली. वीकेंड का वारमध्ये सलमान खानने सांगितले की, या सर्व भांडणाचा मास्टरमाइंड विकी जैनचा मेंदू होता.
सलमान खान म्हणाला, तू तुझ्या पतीसोबत या गेममध्ये येण्याचा निर्णय घेतला आहे. आणि तुझा हा नवरा खानजादीला तुझ्याशी भांडायला सांगतो. हे ऐकून विकी जैन शेजारी बसलेल्या अंकिताचे डोळे भरून आले. दरम्यान, विकीने स्वत:चा बचाव करत तो केवळ विनोद करत असल्याचे सांगितले. यावर सलमानने तत्काळ त्याचे वक्तव्य फेटाळून लावले आणि म्हटले की, हा विनोद नव्हता. सलमानकडून विकीचे सत्य ऐकून अंकिताला अश्रू आवरणे कठीण झाले होते.
या आठवड्यात, बिग बॉस 17 च्या घरातून बाहेर काढण्यासाठी 6 स्पर्धकांना नामांकन देण्यात आले आहे. यामध्ये ऐश्वर्या शर्मा , नील भट्ट, सोनिया बन्सल, सनी आर्या, खानजादी आणि सना रईस खान यांच्या नावांचा समावेश आहे . या आठवड्यात त्यापैकी एकाचा प्रवास कायमचा संपणार आहे.
