टीव्ही अभिनेत्री अंकिता लोखंडे पुन्हा एकदा चर्चेत आली आहे.अंकिता सोशल मीडियावर खूप सक्रिय असते आणि अनेकदा तिचे फोटो फॅन्ससोबत शेअर करत असते. अंकिताने तिचा पती विकी जैनसोबतचे रोमँटिक फोटोही शेअर केले आहेत आणि अलीकडेच तिच्या अशाच एका रोमँटिक फोटोने चाहत्यांना आश्चर्यचकित केले आहे. हा फोटो पाहिल्यापासूनच चाहत्यांचा अंदाज आहे की अंकिता प्रेग्नंट आहे आणि तिचा बेबी बंप दिसत आहे. अंकिताचे हे फोटो सोशल मीडियावर मोठ्या प्रमाणात व्हायरल होत आहेत.
अंकिता लोखंडेने तिचे मित्र आणि पती विकी जैन यांच्यासोबत पार्टीचे फोटो शेअर केले आहेत. यामध्ये ती ब्लू कलरच्या स्टायलिश ड्रेसमध्ये दिसत आहे. त्याचवेळी विकी अंकिताच्या पोटावर हात ठेवून पोज देत आहे. तिने हे फोटो केवळ तिच्या प्रेग्नेंसीची घोषणा करण्यासाठी क्लिक केल्याचे दिसत आहे. अंकिताने याला कॅप्शन दिले, 'आपण जसे आहात, जसे असाल आणि जसे राहणार, मी आपल्यावर त्या रुपात प्रेम करते.'
अंकिता लोखंडेच्या पोस्टवर सोशल मीडिया यूजर्स सातत्याने कमेंट करत आहेत. काही जण तिच्या लूकचे कौतुक करत आहेत तर काही जण तिला प्रेग्नंट असण्याबद्दल विचारत आहेत. एकाने कमेंट करत लिहिले की, 'आर यू प्रेग्नंट अंकिता?', त्यामुळे अनेक जण तिचे अभिनंदन करत आहेत. या फोटोत अंकिताच्या पोटावर विकीचा हात असल्याने चाहते असा अंदाज लावत आहेत. मात्र, दोघांनीही याला दुजोरा दिलेला नाही.
अंकिता लोखंडे आणि विकी जैन डिसेंबर 2021 मध्ये लग्नाच्या बंधनात अडकले. एका कॉमन फ्रेंडच्या माध्यमातून दोघांची भेट झाली. काही वर्षे एकमेकांना डेट केल्यानंतर दोघांनी लग्न केले. त्याचवेळी, काही काळापूर्वी दोघेही त्यांच्या नवीन घरात शिफ्ट झाले आहेत.
