गेल्या अनेक दिवसांपासून बॉलिवूड अभिनेत्री शिल्पा शेट्टी आणि राज कुंद्रा चर्चेत आहेत. राज कुंद्रा बाहेर आल्यानंतर विविध ठिकाणच्या देवी दर्शन करताना सोशल मीडियातून दिसले आहे. नुकतेच त्यांनी सप्तशृंगी देवीचे दर्शन घेतले आहे. यावेळी शिल्पा शेट्टीला मंदिरात पाहून तिच्या चाहत्यांनीही तिच्यासोबत सेल्फी काढण्यासाठी गर्दी केली.
अलीकडे बॉलिवूड अभिनेत्री शिल्पा शेट्टी तिचा पती आणि उद्योगपती राज कुंद्रामुळे चर्चेत आली होती. पॉर्न फिल्म प्रकरणात अडकलेला राज कुंद्रा या प्रकरणामुळे तब्बल दोन महिने तुरुंगात होता. बराच काळ तुरुंगात घालवल्यानंतर अखेर त्यांना सप्टेंबरमध्ये जामीन मिळाला. मात्र, तुरुंगातून बाहेर आल्यानंतर तो शिल्पा आणि कुटुंबियांसोबत त्यांनी विविध ठिकाणी जात दर्शन घेतले आहे.
