Bollywood News: दिल्लीतील एका न्यायालयाने अभिनेते धर्मेंद्र आणि अन्य दोघांना नोटीस बजावली आहे. हे प्रकरण ‘गरम धरम ढाबा’शी संबंधित फसवणुकीचे आहे. तसेच दिल्लीतील एका व्यावसायिकाने याप्रकरणी तक्रार दाखल केली होती, त्यानंतर कोर्टाने ही नोटीस बजावली होती.
मिळालेल्या माहितीनुसार गरम धरम ढाब्याच्या फ्रँचायझीमध्ये गुंतवणूक करण्याचे आमिष दाखवून फसवणूक केल्याचा आरोप व्यावसायिकाने तक्रारीत केला आहे. याचिकेनुसार, त्याला फ्रँचायझीच्या नावावर पैसे जमा करण्यास सांगण्यात आले होते, परंतु नंतर हे पैसे योग्य प्रकारे वापरले गेले नसल्याचे आढळून आले. तसेच या गुंतवणुकीच्या मोबदल्यात ढाब्याशी संबंधित कोणतीही योग्य माहिती किंवा लाभ मिळालेला नाही, असे व्यावसायिकाचे म्हणणे आहे.
या तक्रारीवर सुनावणी घेतल्यानंतर दिल्ली न्यायालयाने धर्मेंद्र आणि त्यांच्या साथीदारांना नोटीस बजावली. याप्रकरणी तिन्ही आरोपींची काय भूमिका होती, याबाबत न्यायालयाने उत्तरे मागवली आहे. फसवणुकीच्या आरोपांच्या संदर्भात न्यायालयाने ही नोटीस बजावली आहे.
तसेच सध्या या प्रकरणी धर्मेंद्र यांच्याकडून कोणतेही अधिकृत वक्तव्य आलेले नाही. अभिनेत्याला या प्रकरणाशी संबंधित आरोपांची उत्तरे द्यावी लागतील जेणेकरुन या प्रकरणाची चौकशी आणि सुनावणी होईल. आता हे प्रकरण न्यायालयात सुरू असून तपासानंतरच धर्मेंद्र आणि त्यांच्या साथीदारांवर कायदेशीर कारवाई होणार की नाही हे स्पष्ट होईल.
