युरोप खंडात सॅन मरिनो हा देश आहे. युरोपातील सर्वात शांत आणि प्रसन्न असा हा देश आहे. पूर्णपणे इटली देशाने वेढलेले असे हे एक विदेशी आंतरराज्य आहे. युरोपमधील तृतीय क्रमांकाचा छोटा देश म्हणून सॅन मरिनो प्रसिद्ध आहे. या देशाच्या इतिहासाला एक वैशिष्ट्यपूर्ण झलक लाभलेली आहे. ती म्हणजे हे जगातील एक प्राचीन सार्वभौम राज्य असून घटनात्मक लोकशाही असणारा हा सर्वात प्राचीन देश आहे. त्याबद्दलचे तत्कालीन शिलालेखांवर उल्लेख सापडले आहे. 3 सप्टेंबर 301 रोजी या देशाची पहिली घटना लिहिली गेली. सध्या हे राज्य 16 व्या शतकात लिहिल्या गेलेल्या घटनेनुसार राज्य कारभार पाहात आहे. इ.स. 301 पूर्वी हे राज्य रोमन साम्राज्याचा एक भाग होते. परंतु 3 सप्टेंबर 301 रोजी ते रोमन राजवटीपासून स्वतंत्र झाले. या देशाची सध्याची घटना 8 ऑक्टोबर 1600 मध्ये लिहिली गेली. या घटनेची 6 पुस्तके असून आजही ती वापरात आहेत.
रोमन साम्राज्यातून हद्दपार झालेल्या आणि पळून आलेल्या अनेक लोकांनी याच गावात आश्रय घेतला. त्यामुळे नंतर हे युरोपातील सर्वात जुने सार्वभौम प्रजासत्ताक राज्य बनले. या शहराचे संरक्षण तीन उंच मनोरे करतात. गॉइटा हा पहिला मनोरा 11 व्या शतकात बांधला गेला. सेस्टा हा दुसरा मनोरा 13 व्या शतकात बांधण्यास सुरुवात झाली. याबरोबरच र्मोटाले या तिसर्‍या मनोर्‍याचे काम पूर्ण झाले.
