"घराच्या तुळईवर लिहून ठेवा, नरेंद्र मोदी यावेळी पंतप्रधान होणार नाहीत, आणि झालेच तर २०२४ ला निवडणुकाच होणार नाहीत," अशी टीका खासदार राजू शेट्टी यांनी शिराळा तालुक्यातील मांगले येथे केले. महाराष्ट्र टाइम्सने ही बातमी दिली आहे.
शेट्टी म्हणाले "नरेंद्र मोदींना हिटलरचे आकर्षण आहे, त्यामुळे विरोधकांना ते देशद्रोही समजून त्यांच्या जवळच्या लोकांनाही संपवण्याचे काम करीत आहेत. देशात भाजपाचे अध्यक्ष अमित शहा, त्यांचा मुलगा आणि स्मृती इराणी यांच्यासारखेच लोक खूश आहेत. अन्य लोक नाखूष असल्यामुळे यावेळी सत्तांतर होणारच आहे. काँग्रेस-राष्ट्रवादीच्या विरोधी भूमिका घेणारा आता त्यांच्या मांडीला मांडी लावून बसल्याचा माझ्यावर आरोप केला आहे, मात्र यापुढेही शेतीमाल आणि ऊसाला योग्य भाव मिळवण्यासाठी कारखानदारांबरोबर भांडण सुरूच ठेवणार आहे."
