उत्तर प्रदेशातील चित्रकूट जिल्ह्यात एका डान्सर तरुणीवर गोळी झाडल्याची घटना घडली आहे. जखमी तरुणीला रुग्णालयात दाखल करण्यात आलं आहे. या घटनेचा एक व्हीडिओ सध्या सोशल मीडियावर व्हायरल झाला आहे. नाचणं थांबवल्यानंतर काही वेळातच गोळी झाडल्याचा आवाज येतो आणि ही तरुणी चेहऱ्यावर हात ठेवून खाली कोसळते, असं या त्यात स्पष्ट दिसतं.
चित्रकूटचे पोलीस निरीक्षक अंकित मित्तल यांनी सांगितलं, "गोळी झाडणारा कोण होता, हे कळलेलं आहे. आरोपी सरपंचाचा नातेवाईक असून तो कौशंबी जिल्ह्यातील राणीपूर गावचा रहिवासी आहे. आम्ही दोन पथकं नेमली आहेत. आरोपीला लवकरच अटक होईल."
