बॉलीवुडमधील दिग्दर्शक करण जोहरने दिलेल्या एका पार्टीवरून आता चांगलंच राजकारण रंगलं आहे. दीपिका पदुकोण, रणबिर कपूर, विकी कौशल, अर्जून कपूर, मलाइका अरोरा, शाहीद कपूर, चित्रपट निर्माते अयान मुखर्जीसारखे सिनेसृष्टीतील तारे-तारका उपस्थित असलेल्या या पार्टीचा व्हीडिओ करण जोहरने सोशल मीडियावर प्रसिद्ध केला होता.
या व्हीडिओमध्ये सर्व सेलिब्रिटी ड्रग्जच्या नशेत आहेत, असे ट्वीट शिरोमणी अकाली दलाचे आमदार मजिंदर सिरसा यांनी केले. त्यामुळे निर्माण झालेल्या वादात काँग्रेसचे माजी खासदार आणि माजी केंद्रीय मंत्री मिलिंद देवरा यांनीही उडी घेतली आहे.
