व्हाइट हाऊसच्या ट्विटर हॅण्डलवरुन पंतप्रधान नरेंद्र मोदी (@narendramodi), पीएमओ इंडिया म्हणजेच भारतीय पंतप्रधान कार्यालयाचे ट्विटर अकाऊंट (@PMOIndia) आणि भारताचे राष्ट्रपतींच्या औपचारिक ट्विटर अकाऊंटला (@rashtrapatibhvn) फॉलो केलं जातं.
भारताचे पंतप्रधान नरेंद्र मोदी, पंतप्रधान कार्यालय आणि भारताच्या राष्ट्रपतींच्या अकाऊंटला नुकतचं फॉलो करण्यात आल्याचं दिसत आहे. सध्या या गोष्टींची सोशल नेटवर्किंगवरही खूप चर्चा सुरु असल्याचे दिसून येत आहे.
भारत आणि अमेरिकेच्या संबंध मागील काही दिवसांपासून अधिकच मजबूत झाल्याचे दिसून येत आहे. मागील महिन्यातच ट्रम्प हे सहकुटुंब भारत दौऱ्यावर आले होते तेव्हाही येथील आगत्य बघून खूप खूश झाले होते. तसेच करोना व्हायरस पसरत असलेल्या संकटाच्या या काळात भारताने हायड्रॉक्सीक्लोरोक्विन या गोळ्यांवरील निर्यात बंदी उठवली आणि अमेरिकेला या गोळ्यांचा पुरवठा केला आहे. यावर अमेरिका भारतावर खूश असल्याचे दिसून येत आहे.
