मिळालेल्या माहितीनुसार, उल्हासनगर कॅम्प न. 3 येथे एकाच नर्सिंग होम मध्ये अवघ्या 22 दिवसांच्या बाळांच्या खरेदी विक्री होत असल्याची माहिती ठाणे क्राईम ब्रँचला मिळाल्यावर त्यांनी बुधवारी धाड टाकली आणि या प्रकरणी 5 जणांना अटक केली आहे.
सदर महिला नर्सिंग होम मध्ये गेल्यावर तिने मला दोन मुली असून मुलगा हवा असल्याची मागणी केली. असं म्हटल्यावर 22 दिवसांच्या बाळाचा 7 लाखात सौदा झाला. नर्सिंग होमचे डॉक्टर आणि त्यांच्या सोबत काम करणाऱ्या महिलांना ताब्यात घेतले आहे. पोलिसांनी एकूण 5 जणांच्या विरोधात गुन्हा दाखल केला असून त्यांना ताब्यात घेतले आहे. न्यायालयाने त्यांना पोलीस कोठडी सुनावण्यात आली आहे. या घटनेमुळे परिसरात खळबळ उडाली आहे.
