दिग्गज अभिनेते रजनीकांत यांनी आज माजी मुख्यमंत्री उद्धव ठाकरे यांचं मुंबई येथील निवासस्थान असलेल्या मातोश्री बंगल्यावर जाऊन ठाकरे कुटुंबियांची सदिच्छा भेट घेतली. या भेटीची राजकीय आणि सिने वर्तुळात चर्चा सुरू आहे. दरम्यान, ही कोणतीही राजकीय भेट नसून केवळ सदिच्छा भेट असल्याचे सांगितले जात आहे. याआधीदेखील रजनीकांत मुंबई दौऱ्यावर आलेले असताना ते शिवसेनाप्रमुख दिवंगत बाळासाहेब ठाकरे यांना भेटले आहेत.
