ही गोष्ट आहे बुधवारी संध्याकाळची. यात वैभव आपल्या आईसोबत शेतात काम करत होता. मक्याचे कणसे मोडत वैभवची आई थोडी पुढे गेली आणि अचानक वैभवच्या जोरात ओरडण्याचा आणि रडण्याचा आवाज येऊ लागला. ती धावत पळत गेली. बघते तो काय, वैभव चक्क बिबट्याच्या जबड्यात होता. बिबट्या त्याला घेउन पसार होण्याच्या तयारीत होता. हे बघताच वैभवची आई धावत ओरडतच बिबट्याच्या दिशेने पळाली. आईला धावतांना येतांना पाहून बिबट्या वैभवला टाकून पळाला.
