Manipur News : मणिपूरात हिंसाचार सध्या सुरु आहे. राजधानी इंफाल पश्चिम आणि पूर्व मध्ये सध्या कर्फ्यू लावण्यात आले आहे. दरम्यान मणिपूर सरकारने सचिवालय उच्च आणि तंत्रशिक्षण विभागाने जिल्ह्यातील शाळा, महाविद्यालये राज्यपीठासंह संस्था, मंगळवार 19 नोव्हेंबर पर्यंत बंद करण्याची घोषणा केली आहे.
हा निर्णय मणिपूर सरकारच्या गृहविभागाशी सल्लामसलत करून घेतला आहे. शाळा, सचिवालय आणि महाविद्यालये आज आणि उद्या बंद राहणार आहे. अनेक जिल्ह्यांमध्ये जिल्हा दंडाधिकाऱ्यानी लावलेल्या संचारबंदीला लक्षात घेत विद्यार्थी आणि शिक्षकांच्या सुरक्षेचा विचार करून हा आदेश घेण्यात आला आहे.
रविवारी मणिपूरमध्ये सुरू असलेला हिंसाचार पुन्हा एकदा वाढला आहे, ज्यामुळे मणिपूर पोलिसांनी इंफाळ पश्चिम आणि इंफाळ पूर्व दोन्ही जिल्ह्यांमध्ये कर्फ्यू लागू केला आहे. सहा मृतदेह सापडल्यानंतर संचारबंदी लागू करण्यात आली होती. वाढत्या हिंसाचारामुळे राज्य सरकारने सात जिल्ह्यांतील इंटरनेट सेवाही बंद केली आहे.
