कोविड-१९ प्रतिबंध लसीकरण मोहिम अंतर्गत उपलब्ध लस साठ्याची मर्यादा लक्षात घेता आणि मोहिमेतील प्राधान्य लक्षात ठेवून बृहन्मुंबई महानगरपालिका प्रशासनाकडून लसीकरणाचे दैनंदिन नियोजन करण्यात येत आहे. दिनांक १४ ते १६ मे २०२१ या कालावधीत तसेच १७ मे २०२१ रोजी तौत्के चक्रीवादळाच्या प्रभावाची शक्यता लक्षात घेता लसीकरण स्थगित करण्यात आले होते.
ब) कोविशिल्ड लस देताना, केंद्र सरकारच्या नवीन मार्गदर्शक सुचनांनुसार, कोविशिल्डच्या पहिल्या मात्रेनंतर किमान १२ ते १६ आठवडे (किमान ८४ दिवस) पूर्ण केलेल्यांनाच दुसरी मात्रा देण्यात येणार आहे. त्यामुळे ६० वर्ष वयोगटातील नागरिक दिनांक २४ मे २०२१ नंतर दुसऱ्या मात्रेसाठी पात्र राहतील. याअनुषंगाने दिनांक १८ मे २०२१ आणि दिनांक १९ मे २०२१ या दोन्ही दिवशी कोविशिल्डच्या पहिल्या मात्रेसाठी ६० वर्ष व त्यावरील वयोगटातील नागरिकांना लसीकरण केंद्रावर थेट (वॉक इन) जाऊन लस घेता येईल. लसीकरण मोहिमेच्या नियोजनास मुंबईकरांनी सहकार्य करावे, असे विनम्र आवाहन महानगरपालिका प्रशासनाकडून करण्यात येत आहे.
