हरमनप्रीत कौरच्या नेतृत्वाखालील भारतीय संघाने शनिवारी सिल्हेतमध्ये नवा इतिहास रचला.या संघाने अंतिम फेरीत श्रीलंकेचा पराभव करून विक्रमी सातव्यांदा महिला आशिया चषकाचे विजेतेपद पटकावले.महिला आशिया चषक 2022 च्या अंतिम सामन्यात भारताने श्रीलंकेचा आठ गडी राखून पराभव केला. स्मृती मंधाना (नाबाद 51) हिने महिला आशिया चषक 2022 च्या अंतिम फेरीत गोलंदाजांच्या अप्रतिम कामगिरीनंतर श्रीलंकेचा पराभव केला.कर्णधार हरमनप्रीत कौरने या विक्रमी विजयाचे श्रेय संपूर्ण संघाला दिले आहे.
महिला आशिया चषक स्पर्धेचा हा आठवा हंगाम होता, तर भारताचा हा सातवा विजेतेपद होता. भारताने वनडे फॉरमॅटमध्ये चार वेळा आणि टी-20 फॉरमॅटमध्ये तीन वेळा महिला आशिया कप जिंकला आहे.भारताने 2018 च्या हंगामाशिवाय प्रत्येक वेळी हे विजेतेपद पटकावले आहे.भारतीय महिला संघाने यापूर्वी 2004, 2005-06, 2006, 2008, 2012 आणि 2016 मध्ये आशिया कप जिंकला होता.2018 मध्ये बांगलादेशकडून अंतिम फेरीत संघाला पराभवाचा सामना करावा लागला होता.
