भारतातील सर्वात मोठी दूरसंचार कंपनी जिओचे अध्यक्ष आकाश अंबानी यांनी सांगितले की, त्यांची कंपनी आणि आयआयटी बॉम्बे 'भारत जीपीटी' तयार करण्यासाठी एकत्र काम करत आहेत. याशिवाय जिओ टीव्हीसाठी नवीन ऑपरेटिंग सिस्टमवरही काम करत आहे.
आकाश अंबानी म्हणाले की, आगामी काळात भारत जगातील एक प्रमुख 'इनोव्हेशन सेंटर' म्हणून उदयास येऊ शकतो. आकाश म्हणाला की, येत्या काही वर्षांत भारत जगाला सर्वोत्तम सेवा आणि सर्वोत्तम उत्पादने पुरवण्याचे केंद्र म्हणून उदयास येऊ शकतो.
