उद्धव ठाकरे आणि मी एकत्र सत्तेत यायचे असेल तर आम्ही येऊ, याची मीडियाची काळजी करू नये, अशा शब्दात राज ठाकरे यांनी शिवसेना- मनसे एकत्र येण्याबाबत भाष्य करून राजकीय वर्तुळात खळबळ उडवून दिली. राज ठाकरे एक हिंदी वृत्तवाहिनीशी बोलत होते.
राज्याच्या राजकारणात अद्वितीय घडामोडी घडताना दिसत आहे. राज ठाकरे आणि उद्धव ठाकरे हे दोघे बंधु पुन्हा एकत्र येतील अशी चर्चाही गेल्या काही दिवसांपासून सुरु आहे. याबाबत पत्रकारांनी विचारल्या प्रश्नाला उतच देताना राज ठाकरे म्हणाले की, 'मी सत्तेतसाठी लाचार नसून मला महाराष्ट्राला मोठे करायचे आहे. कोणाचा इगो, भांडण, कोणाचा दृष्टीकोन या सर्वांपेक्षा महाराष्ट्र मोठा आहे. राजकारण आणि नातेसंबंध हा वेगवेगळा मुद्दा आहे.
दुसरीकडे, बॉलिवूड अभिनेता नाना पाटेकर यांनी दावा केला होता की राज आणि उद्धव हे एकत्र येतील. त्यात राज ठाकरे यांनी सेना-मनसे यांच्या युतीवरून भाष्य करून महाराष्ट्राच्या राजकीय वर्तुळात विविध चर्चेला उधाण आले आहे.
