Aadhaar Card: आधार कार्ड किती दिवस वैध राहते? एक्सपायरीबाबत UIDAI चे खास नियम जाणून घ्या
शनिवार, 9 जुलै 2022 (23:05 IST)
Aadhaar Card Validity : कोणत्याही सरकारी योजनेचा लाभ घेण्यासाठी किंवा ओळखपत्र म्हणून देण्यासाठी आधार कार्ड सर्वत्र वापरले जाते. अशा परिस्थितीत हा एक अत्यंत महत्त्वाचा दस्तावेज बनला आहे. हे कार्ड युनिक आयडेंटिफिकेशन ऑथॉरिटी ऑफ इंडिया (UIDAI) द्वारे केले जाते. आधार कार्डचा वापर शाळा प्रवेशासाठी तसेच प्रवासादरम्यान, आयटीआर फाइलिंग इत्यादी अनेक महत्त्वाच्या कामांसाठी केला जातो. हा 12 अंकी अद्वितीय ओळख क्रमांक आहे.
हे कार्ड इतर ओळखपत्रांपेक्षा पूर्णपणे वेगळे आहे कारण त्यात तुमचे बायोमेट्रिक तपशील नोंदवले जातात.रेशन कार्ड, ड्रायव्हिंग लायसन्स इत्यादी अनेक ओळखपत्रांची वैधता वेळोवेळी नूतनीकरण करावी लागते. त्याच प्रमाणे आधार कार्डाची वैद्यता देखील संपते का चला ?जाणून घेऊ या.
आपले नाव, वय, पत्ता इत्यादी अनेक माहिती वैध आधार कार्डमध्ये नोंदवली जाते. यासोबतच प्रत्येक नागरिकाची बायोमेट्रिक माहितीही नोंदवली जाते. आजकाल प्रत्येक बँक खाते आणि आयडी पुरावा आधार कार्डशी जोडला जातो. अशा परिस्थितीत आधार कार्ड किती काळ वैध राहते हे जाणून घेणे अत्यंत आवश्यक आहे. जोपर्यंत एखादी व्यक्ती जिवंत आहे, तोपर्यंत आधार कार्डची वैधता कायम राहते आणि त्याच्या मृत्यूनंतर तुम्ही ते ब्लॉक करू शकता.पण ते सरेंडर करू शकत नाही .आधार कार्ड एखाद्या व्यक्तीला त्याच्या संपूर्ण आयुष्यात एकदाच दिले जाते.
UIDAI 5 वर्षांपेक्षा कमी वयाच्या मुलांना ब्लू आधार कार्ड जारी करते. या कार्डमध्ये मुलाची सर्व माहिती नोंदवली जाते परंतु, बायोमेट्रिक माहिती त्यात नोंदवली जात नाही. 5 वर्षे पूर्ण झाल्यानंतर, मुलाची बायोमेट्रिक माहिती प्रविष्ट केली जाते आणि त्यानंतरच ती नियमित आधार कार्डमध्ये बदलली जाते. अलीकडच्या काळात, UIDAI ने अशी अनेक आधार कार्डे रद्द केली आहेत जी फक्त एकाच व्यक्तीच्या नावावर नोंदणीकृत आहेत. अशा परिस्थितीत आधार कार्डची वैधता तपासणे अत्यंत आवश्यक आहे.
अशा प्रकारे तपासा आधार कार्डाची वैद्यता -
* सर्वप्रथम आधार कार्डच्या अधिकृत वेबसाइटवर क्लिक करा.
* यानंतर आधार सेवा या पर्यायावर क्लिक करा.
* Verify Aadhaar Number या पर्यायावर क्लिक करा.
* यानंतर एक पेज उघडेल जिथे 12 अंकी क्रमांक टाकावा लागेल.
* सुरक्षा कोड प्रविष्ट करा.
* त्याच्या Verify पर्यायावर क्लिक करा.
* जर आधार क्रमांक वैध असेल तर आधार क्रमांक प्रदर्शित होईल. अवैध आधारावर तुम्हाला हिरव्या रंगाचे चिन्ह दिसेल.
